,,Fylgiríki Bandaríkjanna“ ?

 

 

Hvaða stöðu hefur Ísland ? Erum við sjálfstætt ríki í fullri merkingu þess orðs ? Er Íslandi stjórnað af íslenskum yfirvöldum eða koma fyrirmæli þar að lútandi erlendis frá ? Koma þau frá Washington eða koma þau frá Brussel ? Erum við kannski beintengd stjórnunar-lega séð við Pentagon, Nató og ESB ?

 

Hver skyldu nú vera svörin við þessum spurningum ? Hvað skyldu þeir vera margir í landinu sem verða bara fokreiðir, ef þeir heyra svona spurningar ? En hver eru svörin og hver er sannleikurinn ? Eitt er víst, að sú staðreynd liggur á borðinu, að íslenska þjóðin er ekki eins stór og haldið er fram ,,af sumum“ og hún er ekki eins sjálfstæð og haldið er fram ,,af sumum“. Og hún er því miður, allt of mikið, undir fjarstýringu bæði frá Evrópu og Ameríku ?

 

Við tölum og yrkjum um feðurna frægu, sem forðuðu sér frá konungskúgun í Noregi og sigldu út í frjálsræðisheiminn mikla – hingað ! En sá frjálsræðisheimur hefur aldrei verið til, hvorki fyrr né síðar. Friðsamir Keltar, landnemar þeir sem fyrir voru á Íslandi, voru þess í stað rændir eigum sínum og bústofni af frjáls-ræðishetjunum góðu og gerðir að þrælum !

 

Gyllingarmynd Ara fróða var aldrei sönn, enda vissi hann það best sjálfur og sagði að menn skyldu hafa það í gildi sem sannara reyndist. Hann var kúgaður til að skrifa út frá ákveðnum forsendum sem voru falskar, að fylgja valdboði sem var langt frá því að þjóna frelsinu, en hefur líklega vonað að sannleikurinn sigraði að lokum !

 

Ef Kolskeggur Ýrberason gæti komið fram á sjónarsviðið í dag, gæti hann vafalaust sagt íslenskri þjóð frá því hvernig lygar og blekkingar voru látnar hjúpa fyrstu sagnir um landnám Íslands og fela þá ljótu sögu sem vissulega átti sér þá stað. En vitnisburður Kolskeggs bíður síns tíma, þar til öll mannanna skil verða gerð upp í þágu sannleikans við lok tímanna. Þá verður mikil hreinsun framkvæmd, þegar allar lygarnar og höfðingi þeirra fá sinn dóm !

 

Eins og forfeður Bandaríkjamanna fóru með indíánana, fóru okkar forfeður með hina kristnu fyrirlandnáms landnema, drápu, rændu og þrælkuðu. Svo það er trúlega margt líkt með skyldum í slíkum efnum. Kolskeggur Ýrberason og Æri Fákur voru líklega báðir píslarvottar. Þeir voru báðir sviptir því frelsi sem þeim bar með réttu og drepnir af böðlum þeirra yfirgangsmanna sem létu síðan skrifa söguna eins og þeir vildu hafa hana !

 

Það hefur allt sínar skýringar, og inngróin fylgispekt svo margra afkomenda litlu ræningjanna við afkomendur stóru ræningjanna, eltir sínar rángjörnu rætur inn í þá myrku sögu sem reynt hefur verið með öllum ráðum að kæfa, og halda í fullu þagnargildi ásamt þeim blóðs-úthellingum sem með fylgdu !

 

En þeir sem elska arðrán, þjófnaði og ofbeldisverknaði gagnvart friðsömu fólki, koma alltaf upp um illt eðli sitt og bera því vitni á lífsleiðinni. Þar sitja sem fyrr við kjötkatlana, burgeisar blóðugrar framvindu, og heimta hámarksgróða og hærri hámarksgróða af öllu því sem þeir koma höndum yfir. Óþokkar allra landa sameinast þar áfram og ævinlega í glæpsamlegum hneigðum sínum gegn öllu því sem heiðarlegt og gott getur talist !

 

Flest fylgiríki Bandaríkjanna eiga ljóta fortíð, fortíð ofbeldis, mismununar, þrælahalds og viðbjóðs af öllu tagi. Valdsmenn slíkra ríkja hafa undan-tekningarlaust sína óhreinu fylgju og hún stjórnar að mestu gerðum þeirra. Í félags-skap forsmánar og falskra viðurkenninga líður þeim best. Þeir setja alla daga sitt böðulsverka brennimark á veröldina. Heimur versnandi fer sem fyrr, og sjaldan hefur hraðari afturför merkt tímann bölvun sinni meira, en á þeim fjórðungi sem senn er liðinn af yfirstandandi öld !

 

Vestræn ríki þykjast öllum ríkjum betur skila réttum niðurstöðum í kosningum og tala niður til allra annarra ríkja í þeim efnum. Forsetakosningarnar í Banda-ríkjunum fyrir fjórum árum urðu samt að heimshneyksli og maðurinn sem nú er að setjast á þann valdastól margsagði þær hafa verið falsaðar og gildislausar. En það er ekki hægt að tala lýðræðið niður og svo upp aftur eftir hentugleikum og það af sömu aðilum. Eftirleikinn þekkja allir og menn ættu því að vita af því skemmdarverki á lýðræðinu sem unnið var og verður líklega aldrei bætt !

 

Ljóst er að tvennar síðustu alþingis-kosningar hérlendis voru gallaðar í framkvæmd og skiluðu hugsanlega röngum niðurstöðum. En það virðist bara vera reynt að afsaka það af hlutaðeigandi yfirvöldum. Og það er meira en undarlegt, að eftir því sem menntunin er meiri hjá þeim sem sjá yfirleitt um hlutina, virðist útkoman verða lélegri. Gráðurnar virðast ekki vera að skila sér í gæðum þó þær skili sér vafalaust í launum. Og það er eins og brotalamir á réttu lýðræðisferli séu ekkert mál, hvorki í Bandaríkjunum né hjá lærisveinaríkjum þeirra !

 

Við Íslendingar virðumst ekki vera að fylgja réttum reglum með okkar mál og síst á allra síðustu árum. Enda er vitað, að góðir siðir eru oftast síður teknir upp en ósiðir. Og ósiðir erlendis frá flæða bókstaflega talað inn í landið í straumi sem ekkert afl virðist ráða við !

 

Og svo virðist það þjóðlegt vandamál í stöðugt vaxandi mæli, og kannski er það eitt af því versta fyrir okkar framtíðar-horfur á grundvelli mannlegs heilbrigðis, að meint fyrirmyndarríki íslenskrar stjórnmálaelítu er svo sannarlega ekki neitt fyrirmyndarríki !