Litla hnátan !

 

 

Við vitum eflaust öll af því,

sem örkum þjóðarstig,

að lítil hnáta er landi í

sem lítur stórt á sig !

 

Hún dansar út um borg og bý

og ber sig fjarska vel.

Það finnst að hennar hjarta í

er hlýðið Natóþel !

 

Hún sýnir líka galsa og glens

og gleður Stoltenberg.

Og kurrar þá : ,, Minn kæri Jens,“

svo kátt í gríð og erg !

 

Þó gengið sé nú VG valt

og vandi að hamla því.

Sú hnáta á flugi fer um allt

og faðmar Selenskí !

 

Hún er og verður okkur dýr,

það eitt er vitað mál.

Og alla tíð í öðrum gír

en ætti að ráða sál !

 

Svo flest er nú að stefna í strand

því staða mála er ljót.

Ef kveddi hnáta lítil land,

ég liti á það sem bót !