Landvinningar – í nafni fjölskyldusameiningar !

 

 

 

 

Við lifum á miklum þjóðflutningatímum. Flæði innflytjenda frá öðrum álfum hefur lengi verið að kaffæra Evrópu. Síbylgju-áróður fjölmenningarstefnu hefur verið ofinn inn í mannréttindamál með lúmskum hætti og öfgafull skothríð illra einkunnagjafa á þá sem hafa viljað vara við gangi mála, dró lengi vel úr allri gagnrýni, en það er löngu komið nóg af slíkri þöggunarskothríð !

 

Menn heykjast nú ekki lengur við að vera kallaðir rasistar, fordómafullir gaurar og annað af slíkum toga, af ábyrgðarlausu og menningarspilltu upphrópunarfólki. Hættan af linnulausu flæði innflytjenda inn í galopið land okkar er einfaldlega orðin allt of mikil. Steinsofandi stjórnvöld andvaraleysisins í þessu landi hafa lengi iðkað það að búa til óleysanleg vandamál fyrir komandi tíð. Sjálf lífsbjargar og afkomumál þjóðar okkar fara hríðversnandi vegna óskynsamlegra afskipta yfirvalda landsins af spilltum alþjóðamálum og rotinni stórveldapólitík !

 

Litla örþjóðin á norðurklakanum er sýnilega enn, fyrir blábera heimsku stjórnvalda og líka eigin glópsku, að reyna að bjarga heiminum án nokkurrar getu til þess. Yfirvöld landsins ætluðu að bjarga fjármálum heimsins ekki alls fyrir löngu, en fóru þá nálægt því að eyðileggja meira en aldarlanga uppbyggingu okkar sjálfstæðismála að fullu og öllu. Og menn hafa bersýnilega ekkert lært eftir þær hrakfarir. Veislan frá því fyrir hrun heldur áfram !

 

Á íslenska þjóðin það virkilega skilið að eiga jafn ömurleg stjórnvöld og raun ber vitni ? Mikið hljótum við þá að vera slæm. En það er löngu tímabært að stöðva sér-gæskubruðlið og vitleysuna sem olli hruninu og hefur haldið áfram síðan af samviskulausu ofstæki. Hin pólitíska forustuhjörð er gjörsamlega ónýt. Það þarf nýja forustu sem getur tekið á málum af ábyrgð og festu !

 

Það er ljóst að við verðum að setja hömlur á innflytjendastrauminn sem er að éta frá okkur alla okkar velferð. Og sú velferð hefur ekki verið tilkostnaðarlaus. Hún hefur kostað þjóðina mikla baráttu og mikið strit. Ávinningur þeirrar baráttu á skilyrðislaust að tilheyra íslensku þjóðinni, en ekki þurftarfrekum inn-flytjendum sem koma hingað flestir til að taka en ekki til að gefa !

 

Það er í raun verið að leggja landið okkar undir annarleg og óþjóðleg viðhorf. Nú heitir hin dulbúna landvinningastefna fjölskyldusameining. Við eigum samkvæmt þeirri túlkun sem þar ræður, að flytja tuttugu manna fjölskyldur frá Asíu og Afríku í stórhópum inn í landið á þeim forsendum að ekki megi aðskilja ástvini. Það er jafnframt sagt þar með, að við séum vont fólk ef við tökum þátt í því að sundra fjölskyldum !

 

Það er þannig verið að reyna að gera okkur ábyrg fyrir vandamálum sem koma okkur afskaplega lítið við. Vandamál heimsins eru ekki vandamál okkar. Við höfum ekki skapað þau, en vandamál Íslands eru vandamál okkar, því skammsýn yfirvöld okkar hafa að mestu skapað þau og þau eru að vaxa okkur yfir höfuð, þó ábyrgðin á vitleysunni sé auðvitað hvergi viðurkennd !

 

Við höfum engin efni á því að bæta á þann bagga. Þjóðin er að fara í keng af þeim drápsklyfjum sem hlaðið er á hana af ábyrgðarlausum og óþolandi yfirvöldum, yfirvöldum sem standa herfilega illa við skyldur sínar, sem eiga fyrst og síðast að vera þær að gæta hagsmuna íslenska þjóðarbúsins !

 

Þjóðin má ekki láta blekkjast til að kjósa yfir sig sömu menningarskrípin og vitleysingana aftur og aftur. Það þarf algerlega nýja forustu með nýja og óspillta sýn til framtíðar fyrir íslensku þjóðina. Það er það eina sem getur bjargað okkur frá hinu áskapaða og viðvarandi öngþveiti hins stórvaxandi spillingar-stjórnleysis í landinu !

 

 

Þýskaland öllu neðar !

 

 

 

Þýskaland var á góðri leið með að tryggja orkuaðföng sín til komandi ára með hagstæðum samningum við Rússland, en þá voru leiðslurnar í Eystrasalti sprengdar og sú vonin var úti fyrir Þjóðverja og orkuskortur fyrirsjáanlegur. Þýska stjórnin lét þó þá árás yfir sig ganga, enda er hún undir forræði aumingja sem seint geta orðið frambærilegir leiðtogar !

 

Olav Scholtz er litlaus náungi eins og allir hljóta að sjá, en hann gæti þó hugsanlega lent í hlutverki annars Franz von Papen sem kanslari Þýskalands. Það er að segja, orðið undanfari annars Hitlers á stóli kanslara. Von Papen gegndi embættinu á undan Hitler og var varakanslari hans í fyrstu. Hann var af ríkum aðalsættum kominn, rammkaþólskur hægri maður og sannarlega ekki allur þar sem hann var séður !

 

Margir telja að í öllum þeim skolla-brögðum sem viðhöfð voru í kringum þau valdaskipti er Hitler tók við, hafi von Papen átt drjúgan þátt. Hann var talinn hinn mesti refur og var það að öllum líkindum rétt metið. Margir létu lífið á ungum aldri á umræddum gjörningatímum en ekki von Papen. Hann tórði til 1969, stóð þá á níræðu, þó hann hefði líklega nokkuð margt á samviskunni !

 

Henry Kissinger sem er nýdauður, náði 100 ára aldri. Þeir verða gamlir þessir menn sem hafa trúlega átt sinn þátt í því að ævi margra annarra varð mun styttri en efni hefðu átt að standa til. Sumir telja að það sé vegna þess að hvorugur valdhafinn hinum megin vilji taka við þeim. Sá sem uppi er vilji eðlilega ekki sjá þá og hinn sem niðri er óttist líklega um völd sín verði hann að hýsa þá. En þar hljóti mannkynsbölvaldar samt að eiga heima, enda trúlegast þaðan komnir, miðað við aldur og fyrri störf !

 

Þjóðverjar virðast á vissan hátt vera nokkurskonar svartnættisþjóð. Það mætti að minnsta kosti halda út frá síðari árum heimssögunnar. Þeir létu nota sig í heimsstyrjöldinni síðari af auðvaldsöflum Vesturlanda á svipaðan hátt og Úkrar gera núna. Og síðan hafa þeir að mestu verið undir sama valdi og hratt þeim út í voðann 1941. Þeir hafa í raun verið hersetnir af Bandaríkjamönnum síðan 1945, bæði sálarlega og í opnum veruleika og verða það líklegast enn um hríð !

 

Bandarískar herstöðvar eru enn til staðar í Þýskalandi og bandarískt vald er þar ofar þýsku valdi. Þýskaland er sannarlega ekki ofar öllu í dag, það er miklu frekar neðar öllu. Og kannski sem betur fer. Þegar hrokinn fór upp í Þjóðverjum í gamla daga, gat farið hrollur um alla heims-byggðina. En kannski er það þó liðin tíð, því þeir eru ekki lengur sú þjóð sem þeir voru hér áður fyrr í hernaðaranda sínum, á tímum pikkelhjálma og prússneskrar ofreisnar !

 

Virðing Þjóðverja, hefur vissulega hrakað mikið í alþjóðlegum skilningi á seinni árum, enda eru þeir núorðið sem þjóð fyrst og fremst tengdir að gildi við ESB og Nató. Það eru hinir réttu valdapólar í þýskum stjórnmálum nú til dags. Þjóðverjar létu kúgast til að sætta sig við ómanneskjulega árás ,,vina sinna“ á þeirra hag. Þar hafa þeir lotið einna lægst frá tímum Hitlers, að svíkja þannig eigin varnarrétt, sem gilt hefur í þýskri lagahefð frá árdögum germanskrar sögu !

 

Eystrasalts-hryðjuverkið hefur haft sín slæmu áhrif á þýskan efnahag og bundið hið ríkislega þýska sjálfstæði enn fastar undir kúgunar-forræði ESB og Nató. Almennt var haldið fyrir nokkrum árum, að Þjóðverjar væru að treysta völd sín yfir ESB, en nú er komið í ljós að ESB er miklu frekar að treysta völd sín yfir Þjóðverjum. Og séð virðist vera til þess af yfirþjóðlegu Brusselvaldinu, að tuskur einar og strengjabrúður dansi á hlýðnislínu í Berlín eftir skipunartakti frá Brussel !

 

Þannig er Þýskaland öllu neðar nú og svartnættið yfir ósjálfstæðu Berlínar-útibúi ESB og Nató er þannig orðið að kratamyrkri allrar vesalmennsku. Norður-straums-hryðjuverkið leiddi skýrt í ljós hvað Þjóðverjar eru djúpt sokknir í ásköpuðum aumingjadómi, því þeir hafa sýnilega engan skilning á því lengur hverjir eru að gera þeim gott og hverjir illt. Slík sálarstaða jafnast að fullu á við þjóðlegan dauða allrar sjálfsvirðingar !

 

Sú staða virðist vera örlagadómur sem Þjóðverjar verðskulda líklega að öllu leyti, fyrir það að vera ekki lengur menn sem treysta sér til varnar gegn afar svívirðilegri hryðjuverkaárás yfirlýstra vinaþjóða á þeirra eigin þjóðarhagsmuni !

Ætlar íslenska þjóðin að ganga frá sjálfri sér ?

 

 

 

Það hefur lengi verið stundað allt of mikið af stjórnvöldum á Vesturlöndum, að hleypa allt of miklum fjölda innflytjenda inn, líklega til að atvinnurekendur og arðránsöfl geti haft gott af þeim. En það eru ár og dagar síðan sú staða var uppi !

 

Nú eru innflytjendur miklu frekar farnir að arðræna þjóðir viðkomandi landa, láta þær leggja til framfærsluna, íþyngja félagslegum kerfum þeirra og eru þar með fullum vilja ómagar. Og með þeim hætti er velmegun þessara þjóða víða skert af miklum fjölda innflytjenda sem enginn veit hvaða hollustu hafa til að bera gagnvart þjóð þeirri sem elur þá á sínu brauði og sínum kosti !

 

Þjóðlegt öryggi verður nefnilega aldrei tryggt með falslausum hætti af út-lendingum. Best er jafnan að hver þjóð fái að búa í friði að sínu. Og menn eiga að fá laun erfiðis síns sjálfir, en ekki að missa þau í munn annarra sem ekkert hafa unnið til þeirra. En íslenska þjóðarbúið virðist oft frekar rekið í þágu útlendinga en landsfólksins og ráðamenn þess fara í mörgu mjög illa með fjármuni ríkisins eins og fjölmörg dæmi sýna !

 

Það vill gleymast ráðamönnum í hita Hrunadanslegra dægurmála, og hættum hinna daglegu átaka í pólitík og prettaslag, að þar er um að ræða öryggisforða íslensku þjóðarinnar, sem aflað hefur verið með miklu vinnuframlagi. Ráðsmenn þjóðarbúsins verða að sýna miklu meiri ábyrgð gagnvart skyldum sínum en verið hefur og þjóna þjóðarhagsmunum í öllu mun betur en þeir hafa gert. Þörfin á því er brýn, enda er búið að svíkja þjóðina á mörgum sviðum um þá samfélagsvinninga sem eiga að vera hennar !

 

Það er að margra hyggju orðið býsna langt síðan Íslendingar áttu einhverja forsvars-menn í stjórnmálum sem hægt var að treysta. Þetta lið sem þykist í dag þjóna þjóðinni á því sviði virðist bara vera þar upp til hópa fyrir sig. Þar telja margir sig ekki finna neinn fulltrúa lengur sem þeir álíta virðingarverðan og þykir mönnum það vægast sagt grátleg staðreynd. En veruleikinn virðist ekki bjóða upp á annað eins og málin horfa við í dag !

 

Við þurfum að fá leiðtoga sem halda á málum fyrir íslensku þjóðina, leiðtoga sem hafa hjarta fyrir eigin þjóð. Við höfum haft nóg af leiðtoganefnum sem eru alltaf að reyna að skora í útlöndum, reyna að vinna sér persónulegt orðspor þar. Það er komið nóg af slíkum gagnsleysisgreyjum !

 

Þegar slík gerpi hafa svo verið búin að klára sinn feril hér, og enginn vill þau lengur, fara þau í þjónustu hjá einhverjum alþjóðastofnunum út í heimi, vegna þægðar sinnar við önnur sjónarmið en íslenska þjóðarhagsmuni. Slíkir þjóðleysingjar eru ekki það sem ætti að gilda hér. Við þurfum trausta íslenska leiðtoga sem heilshugar þjóna skyldum sínum fyrir land sitt og þjóð !

Hvar er varnarher íslenskra bænda ?

 

 

 

Bændastéttin í landinu virðist stöðugt vera að reyna að semja um lífskjör sín við stjórnmálaöfl sem níðast á henni hvað eftir annað með svikafullum og samvisku-lausum hætti. Raunar mætti núorðið alveg spyrja í alvöru, hvenær verða traktorar bændastéttarinnar sendir til höfuð-borgarinnar til að mótmæla stórskerðingum á lífsafkomu fólksins í sveitum landsins. Hvenær tekur þessi undirstöðustétt samfélagsins sig til og ver gildi sitt fyrir hagsmuni lands og þjóðar, þyrfti einhver að undrast það að til þess komi ?

 

Eiga sveitir landsins að vera eyði-býlalendur á komandi árum og á öll þjóðin að hírast í óðaþéttbýli suður-hornsins í almúga örbirgð eins og þekktist í Rómaborg til forna ? Eru stjórnvöld gjörsamlega blind á það hvernig ber að hlynna að burðarstoðum heilbrigðs samfélags ? Það mætti halda að gjörspilltir arftakar Nerós væru við völd á Íslandi, í hástéttarlegum veislufagnaði, meðan heilbrigðar undirstöður samfélagsins og innviðir fá að brenna !

 

Það virðist varla vera hlynnt að neinu af hálfu stjórnvalda landsins nema inn-flytjendum, Natófjárkröfum og sálar-lausum menningarmafíum ? Þjóðlífið er sýkt af allskonar veirum utan úr heimi sem virðast vera að þvo allt íslenskt gildismat úr þjóðinni og binda framtíð hennar blóðsugu-yfirgangi erlends arðráns og sálarlegrar kúgunar og heilaþvottar af versta tagi !

 

Er eitthvað íslenskt eftir ? Jafnvel tungan okkar, dýrasta perlan okkar, er stórsmituð af enskum slettum og málleysum, og þar virðast íþróttamenn úr atvinnu-mennsku erlendis leggja sitt til í drjúgum mæli. Áttu slíkir ekki í eina tíð að vera íslenskastir allra ? Fyrir hvaða þjóð og hverskonar þjóð þykjast þeir vera að keppa í dag ? Hvar erum við eiginlega stödd með þjóðlegan arf okkar ?

 

Viljum við vera íslensk eða bara einhver eftiröpun af erlendum tískuhópum og hégómaliði ? Hið svokallaða menningarlíf okkar virðist í þjóðlegum skilningi vera að verða að einhverju sem enginn festir hönd á lengur. Það virðist svo falskt og framandi því það hefur sýnilega engan kjarna. Það snýst bara um sig sjálft !

 

En bændastéttin er enn íslensk, þó ýmis öfl virðist vera að reyna að koma henni af dögum og vilji spilla henni og öllum afkomu-möguleikum hennar í þessu samfélagi okkar. En bændur eru ekki eitthvað sem er til staðar til einskis. Þeir eru sú stétt sem myndar, öllum stéttum fremur eins og sagt er hér fyrr, sjálfa undirstöðu þjóðfélagsins. Og kannski eru þau öfl sem á henni níðast einmitt að gera það vegna þess !

 

Það eru óþjóðleg og andstyggileg öfl. En þau hafa aukist mjög að afli í samfélagi okkar á síðustu árum og margir telja að þar komi fjármögnun að utan ekki svo lítið við sögu. Sumum er alveg sama hvaða hönd fæðir þá og eru engum trúir !

 

Þannig Júdasar finnast í öllum löndum og meðal allra þjóða. Og dettur einhverjum í hug að þeir séu ekki til staðar hér, þegar allt er orðið miðað til verðs ? Reynum að verja gildi okkar og arfleifð með ærlegum hætti !

Okkur ber að standa upp fyrir eigin þjóð !

 

 

 

 

Nýlega skrifaði ég hér á síðu minni pistil um niðurstöðu innflytjendamála í Svíþjóð, sem er gjaldþrota ríkisdæmi í þeim efnum. Þar hafa þjóðleg gildi Svía verið hrakin og svívirt af þeim árásargjarna og vaxandi hóp innflytjenda sem er alveg að leggja undir sig landið. Sama ferli er í gangi hérlendis þó skemmra sé komið. En við erum á sömu ófarnaðarbrautinni !

 

Þegar innflytjendaágangurinn hófst hér var boðið upp á námskeið í íslensku fyrir hið aðkomandi fólk og borgaði Ríkið eða verkalýðs-hreyfingin reikningana. Nú er lítið um slíkt, enda er hver einasti texti þýddur ofan í innflytjendur á okkar kostnað og þar með sagt við þá „ þið þurfið ekkert að vera að læra íslensku á Íslandi !“

 

Pólskir textar fylgja nú öllu og ef Forseti landsins opnar munninn, verður að koma túlkun á því sem hann segir á pólsku og einnig ensku. Líklega verður bráðlega eitt frumskilyrði þess að menn geti boðið sig fram í forsetakosningum hérlendis að viðkomandi kunni pólsku. Svo setja yfir-völd landsins á dagatalið innantómt heiðursheiti ,,Dagur íslenskrar tungu,“ en vanheiðra þá hina sömu tungu alla aðra daga ársins með framferði sínu. En án íslenskrar tungu værum við ekki þjóð !

 

Það er sem sagt enginn hvati lengur fyrir innflytjendur að læra tungu þeirrar þjóðar sem hér hefur búið í meira en árþúsund. Við Íslendingar, sem höfum varðveitt frumtungu norrænna þjóða, meðan önnur Norðurlönd tengd við meginlandið, hafa skrumskælt hana og afbakað og kunna hana ekki lengur, stöndum ekki lengur raunhæfan vörð um tungu okkar og okkar dýrasta menningararf !

 

Við upphefjum gildi innflytjenda í sífellu en niðurlægjum okkar gildi. Fylgjum nákvæmlega sænsku forskriftinni að þjóð-réttarlegu hruni. Stöndum ekki upp fyrir eigin þjóð, miklu heldur fyrir aðrar þjóðir og gildi þeirra. Fólk sem kemur inn í landið, nýtir sér á margan hátt einfeldningshátt okkar og heimsku og telur okkur líkast til sofandi afglapa !

 

Í hvaða fari er þjóðmenning okkar, þegar hún er látin lúta fyrir öllu aðstreymi útlendra menningar og ómenningar strauma ? Þegar hún er einskisvirt og sett út í horn gagnvart öllu því sem hrúgað er inn í landið, án nokkurrar ábyrgrar hugsunar yfirvalda gagnvart þeim afleiðingum sem það mun óhjákvæmilega hafa ?

 

Hér virðist engin ríkisleg forsjá í gangi gagnvart niðurbroti íslenskrar þjóð-menningar og þúsund ára gilda, hér virðist yfirtaka útlendra gilda vera að þurrka allt þjóðlegt út og það er sem verið sé að stela landinu okkar og öllu því sem þjóð okkar hefur staðið fyrir alla tíð, hvern dag fyrir augunum á okkur !

 

Öll lönd Vestur-Evrópu virðast nú farin að gera sér grein fyrir því að fullt af fólki er komið með borgararétt innan þeirra án þess að nokkur hollusta hafi komið þar á móti. Það eru því fullskipaðar fimmtu herdeildir víða fyrir hendi í þessum löndum sem eru hollar öðru en þeim ríkjum sem búið er í. Undanlátssemin er komin á afar þjóðhættulegt stig. Það verður að stöðva það ógæfuferli sem verið hefur á þessum innflytjendamálum víðasthvar og hafa einhverja dóm-greindarlega stjórn á þeim málum, með hagsmuni þeirra sem búa fyrir í löndunum að leiðarljósi !

 

Pólverjar vilja vafalaust eiga sitt land og hafa þó ekki alltaf getað það fyrir erlendum öflum. Þeir myndu ekki kæra sig um að þar fylltist allt af Íslendingum. Sem betur fer erum við Íslendingar ekki svo margir, að við gætum lagt undir okkur önnur lönd með því að flytjast til þeirra. Það er best að hver búi að sínu. En hver maður sem gerist innflytjandi á að vera trúr þeim skyldum sem því fylgja. Það er hinsvegar mikill misbrestur á því að svo sé !

 

Þjóðflutningar síðustu áratuga hafa breytt valdahlutföllum í Evrópu. Álfan hefur verið á villusiglingu frá því að vera Evrópa með sögu sína og menningu til þess að verða Evrabía, hrærigrautur fjöl-menningar og óskapnaður allrar vitleysu. Nú ættu flestir að vera farnir að sjá hvernig það dæmi skilar sér fyrir þjóðmenningarmál Evrópuríkja. Því óheilla-ferli verður að ljúka !

 

 

Erum við í aðdraganda kjarnorkustyrjaldar ?

 

 

 

 

 

Margt virðist geta bent til þess að við séum staddir í veruleika ársins 1938 eða þar um bil. Rétt fyrir komandi stórstyrjöld. Býsna margir leika sér að eldinum sem gæti breyst í kjarnorkueld fyrr en varir. Nato og ESB standa fyrir íkveikjumálunum, annað vegna hernaðar-legrar útþenslustefnu, hitt vegna efna-hagslegrar orkugræðgi. Þar virðast djöful-leg öfl ráða framvindu mála !

 

Málið er bara það, að í augum öfgasinnaðra nýlendustefnumanna 21. aldarinnar á Vesturlöndum, er ekkert arðránssvæði eftir á jörðinni nema Rússland. Það sé því nauðsynlegt að koma upp leppstjórn í Rússlandi eins og í Úkraínu, og skipta síðan landinu upp í viðráðanlegar stjórnsýslueiningar. Það er stefnan sem er stöðugt rædd bak við tjöldin í Brussel og hefur verið þar á dagskrá allar götur frá hruni Sovétríkjanna og sérstaklega eftir 2014 !

 

Slík umræða var líka í gangi á Vestur-löndum eftir fyrri heimsstyrjöldina, en þá komu bolsévíkar undir forustu Leníns í veg fyrir uppstokkun Rússlands eftir vestrænum hugmyndum. Alltaf hefur þráin til að splundra Rússlandi verið meginafl í allri hugmyndafræði auðhringa Vesturlanda, en þeim hefur gengið illa að ná því takmarki og fyrir því er ein meginástæða !

 

Það er nefnilega alltaf sami þröskuldurinn í vegi þessarar þrálátu kröfu auðvalds-heims Vesturlanda, sami þröskuldurinn og löngum áður, það eru Rússar, þessi sauðþráa óviðráðanlega þjóð, sem hefur svo oft ráðið úrslitum í styrjaldarsögu álfunnar. Þessi þjóð sem stundum hefur verið kölluð hin mikla norðurþjóð, er líklega hötuð meira af auðvaldsheiminum en nokkur önnur þjóð á yfirborði jarðar og jafnframt er óttinn við afl hennar líklega alveg sambærilegur við það hatur !

 

Rússar hafa ekki gert mikið af því að standa fyrir styrjöldum. Þeir hafa öllu frekar orðið fyrir styrjöldum. Það hefur verið ráðist á þá af Mongólum fyrr á öldum, þýskum riddarareglum, rugluðum sænskum kóngi 1708, valdasjúkum Frakkakeisara 1812, Bretlandi, Frakklandi og Tyrklandi á Krím upp úr 1850, Þýska keisaradæminu 1914, 14 erlendum ríkjum um 1920, Þýskalandi nazismans 1941, en Rússland stendur enn ósigrað. Falli Rússland fyrir þessum fjendum sínum mun heimurinn vísast falla með því í eldi þeirrar styrjaldar sem engu mun eira !

 

Það hefur aldrei þótt gott að börn séu að leika sér með eldspýtur og það hefur valdið mörgum voðanum. En verra er það þegar fólk sem á að heita fullorðið, leikur sér með kjarnorkuvopnaógnina á lofti og virðist þar kasta á milli sín fjöreggi mannkynsins. Hvenær ætla menn og þjóðir að vitkast og hætta að stofna til styrjalda ?

 

Eiga menn á níræðisaldri, fullir af rugli og ofsóknaræði, að fá að steypa öllum heiminum í bál og brand ? Nú er búið að gera Sameinuðu þjóðirnar að máttlausum kjaftaklúbbi eins og Þjóðabandalagið forðum, svo leiðin hefur verið opnuð til fulls fyrir herafla helvítisaflanna til eyðingarstarfanna. Hefur mannkynið kannski þegar með þeim hætti verið markað feigð og dauða ? Er nokkur á verði fyrir heildarhagsmunum mannkynsins ?

 

Upp úr miðri síðustu öld var mikið talað um Evrópusambandið sem friðarbandalag, samtök sem myndu koma í veg fyrir stríð í Evrópu. Fjölmargir trúðu því að ákveðin lausn í þá átt væri fengin með stofnun þess. En það var draumsýn en ekki veruleiki !

 

Nú geta menn líklega séð að ESB er ekki neitt sem stuðlar að friði eða framtíðaröryggi í álfunni. ESB og Nató eru nú að verða sem eineggja tvíburar sem æsa til styrjaldar í Evrópu og jafnvel Norðurlöndin hafa tapað glórunni. Nú virðast váleg skuggaöfl vestrænnar arðránsmafíu ætla sér að hefna fyrir örlög fyrri útsendara síns - manndjöfulsins sem fargaði sér í rústum ríkis síns 1945 til að flýja þann dóm sem beið hans !

Rússar eru að loka vesturglugganum !

 

 

Það hefur víða verið bókað í sagn-fræðilegum heimildum á Vesturlöndum, að Pétur Rússakeisari sem gjarnan hefur verið nefndur Pétur mikli, hafi haft það sem stjórnarstefnu sína að opna vestur-gluggann. Það er, að horfa til vesturs um tengsl og viðskipti Rússlands til framtíðar litið !

 

Sennilega er nokkuð til í þessu, enda þekkti Pétur keisari ekki mikið til Vesturlanda og hélt áreiðanlega að þau væru mun betri en þau voru. Hann fór reyndar til Hollands og kynnti sér margt þar af eigin raun og vann þar jafnvel sjálfur um tíma í skipasmíðastöð, að sagt er. Var það liður í þeirri ætlun hans að auka verklega þekkingu Rússa, en þá þóttu þeir langt á eftir ríkjum Vestur Evrópu í allri þróun og nánast hvergi samkvæmis-hæfir !

 

Líklega má segja þrátt fyrir ýmislegt, að Holland hafi á þeim tíma verið mun betra ríki en það er nú á okkar dögum og kannski var það þá frjálsasta ríki Evrópu gagnvart mannréttindum, fram að þeim tíma sem hér um ræðir, en það átti nú fyrir sér að breytast og einkum þegar Holland gleypti nýlendubakteríuna. Þá datt Holland ofan í græðgishyl arðránsins og hefur ekki skriðið upp úr honum síðan að heitið geti !

 

Rússland var allt frá byrjun milli-ríkjaviðskipta mikill markaður fyrir Vestur-Evrópuríkin og hagstæður sem slíkur. Meðan keisarastjórnin hélt velli og völdum í Rússlandi, vantaði ekki að umrædd viðskipti skiluðu miklum ágóða til verslunarfélaga og einstakra kaupmanna á Vesturlöndum og stóðu að mestu undir auðsöfnun þeirra lengi framan að !

 

Rússneska keisarastjórnin var gjörspillt sem aðrar einræðisstjórnir og samspil hennar við konungs og keisarastjórnir Evrópu oftast framkvæmt fullkomlega í siðlausum arðránsanda gegn öllum almenningsrétti. Reiðialdan sem reis að lokum 1917 gegn sérhagsmunum yfir-stéttanna, sópaði rússneska keisara-veldinu frá öllum ríkisvöldum og gerði öll sérgæskuríkin í Vestur-Evrópu skíthrædd um hagsmuni sína. Ekkert hræðist sérgæska auðvaldsins meira en vald sem kemur að neðan, frá þrautpíndum almúganum !

 

En Sovétríkin runnu sitt skeið, en gerðu Rússland áður að öflugu herveldi, sem sigraðist á nazismanum eftir tröllsleg átök, en það kostaði um 27 milljónir af landsmönnum lífið. Öll sú blóðtaka má skrifast á tjónareikning Vesturveldanna, því þau gerðu Hitler út og ætluðu honum í krossferð austur á bóginn. En vopnin snerust í höndum fjármálakónganna í London, París og New York, því villidýrið sem þeir vöktu upp, lét ekki lengi að stjórn !

 

Nú hafa Rússar fengið nóg af Vestur-veldunum og sífelldum samsærisplönum þeirra og svikabrögðum. Þeir eru að loka vesturglugganum og kannski hefði aldrei átt að opna hann. Rússland eignast trúlega miklu betri viðskiptaríki í austurheimi og það getur orðið þar mikil orkuleg innspýting og undirstaða fyrir ný og framsækin iðnríki !

 

Veldistími Vesturlanda er senn á enda í heimsviðskiptalegum skilningi. Þau hafa sjálf dæmt sig til hnignunar og falls, með yfirgengilegum hroka sínum og arðráni gagnvart öðrum heimshlutum. Dramb er - sem löngum fyrr - falli næst !

 

Nú er fólk þriðja heimsins farið að setja mark sitt verulega á íbúamengi Frakklands, Bretlands og Bandaríkjanna og eykur þar stöðugt vægi sitt. Þar er ekkert lengur eins og það var. Hugarfarsleg og kynþáttaleg yfirdrottnun fyrri tíma er því þegar úr sögunni og það meira að segja meðal þessara þjóða !

 

,,White Men´s Burden“ kennisetningar duga þar því ekki lengur á innanríkismarkaði pólitískra viðhorfa. Loksins er komið að endanlegum skuldadögum óteljandi mannréttindabrota hinnar vestrænu yfirdrottnunar og það er löngu tímabært fyrir heildarhagsmuni mannkynsins. Það verða háir tjóna-reikningar skrifaðir á næstunni !

 

 

Bandaríki nútímans – andstæða hugsjóna Washingtons !

 

 

 

 

Það er ekki gott að eitt ríki sé með allar þjóðir heimsins á þrælaklafa hjá sér. Þannig hafa Bandaríkin komið sér fyrir á undanförnum áratugum. Ríkið sem missti 450 þúsund manns í síðari heims-styrjöldinni, sem varð ekki fyrir neinum loftárásum að heita mætti á meginlandi sínu, sem gat kýlt hergagnaframleiðslu sína í hæsta gír vegna þess, og auðgað sig stöðugt á annarra þörfum, það yfirtók heiminn eftir styrjöldina !

 

Ríkið sem lagði mest til sigursins og missti 27 milljónir þegna sinna og allan vesturhluta lands síns í rúst, var þvingað í harðvítuga varnarstöðu árum saman af fyrri samherjum sínum sem virtust fljótt fara að ganga í spor þeirra sem sigraðir höfðu verið. Var sú nauðungarstaða þess eðlilegt framhald af sigrinum 1945 ?

 

Auðvitað ekki, en innræti svikulla manna kom fljótt í ljós. Fasistasinnuð öfl á Vesturlöndum fengu fulla áróðurs-innspýtingu þegar Churchill fór aftur í gamla gírinn sinn og hóf að herja á Sovétríkin með hinni stríðsæsandi Fultonræðu sinni !

 

Hitler var fjármagnaður af breskum, frönskum og bandarískum fjármála-stofnunum og auðhringum, sem flestir voru í nánu sambandi við stjórnvöld sinna landa á þeim tíma. Vopnasöluhringir eins og Schneider-Creuzot og Vickers- Armstrong voru taldir hafa komið þar töluvert við sögu og tengsl þeirra við þýska Krupps-hringinn voru sögð mikil. Vestrænt fjármagn lá á lausu fyrir Hitler og nazista-Þýskaland !

 

Spyrja mætti, af hverju voru Vesturveldin yfirleitt að berjast gegn Hitler, var ekki draumur þeirra ásamt honum að tortíma Sovétríkjunum og brytja Rússland niður í nýlendusvæði arðránsgráðugra auðvalds-ríkja ? Var til dæmis þátttaka Banda-ríkjanna í seinni heimsstyrjöldinni kannski bara fyrst og fremst stefnuleg útafkeyrsla frá því sem verða átti, fyrir skelegga afstöðu eins manns – Franklins Roosevelt ?

 

Af hverju var friðurinn ekki ræktaður upp eftir stríðið ? Það var vegna þess að fulltrúi auðhringanna og hins svarta fjármálavalds baktjaldanna Harry Truman var orðinn forseti Bandaríkjanna og hann var jafnframt útsendari fyrrnefndra afla gegn öllu heimsfriðarhjali. Og því fór sem fór. Hvaða ríki hefur verið í stöðugum stríðsrekstri allar götur síðan út um allan heim, svo að öll vopnasala gæti gengið sem greiðast fyrir sig ? Auðvitað höfuðríki auðvaldsins !

 

Af hverju tók heimsvaldastefna í anda Hitlers yfir alla heilbrigða hugsun í bandaríska stjórnkerfinu eftir stríð ? Af hverju urðu bandarísk stjórnvöld þannig að mörgu leyti arftakar stríðsstefnu Hitlers ? Kannski ætti hugsandi fólk að velta slíkum spurningum dálítið fyrir sér, nú á síðustu og verstu tímum þess voðaferlis sem hóf göngu sína svo að segja í lok síðari heimsstyrjaldarinnar, og hefur spillt öllum heimsfriðarvonum allt til yfirstandandi stundar ?

 

Bretland og Frakkland voru eftir 1945 skiljanlega afskrifuð sem sjálfstæð stórveldi. Þau voru orðin stórskuldug Bandaríkjunum og urðu fljótt viljalaus fylgiríki þeirra, einkum þó Bretland. Og Marshallhjálpin ,,stórgæskuríka" gerði svo öll Vestur-Evrópuríkin að ósjálfstæðum fylgiríkjum sama valds !

 

Vestrænum áróðursskít var í framhaldi mála haugað upp á hverju blaði allra  milliríkjasamskipta í enn verri mæli en nokkru sinni áður  og ástæðan var augljós. Bandaríska heimsvaldastefnan var með fullum Pentagon-þrýstingi komin á koppinn !

Forusta Vesturlanda í heimsmálum er liðin tíð !

 

 

 

Það er ljóst að Hitler ásamt nánustu hirð sinni, hélt að Sovétríkin myndu falla eins og spilaborg strax eftir innrásina 1941. Sumar upplýsingaveitur nazista héldu því fram, þó fyrir lægi að fimmta herdeild þjóðsvikara og skemmdarverkamanna hefði verið gerð óskaðleg þegar áður en styrjöldin hófst !

 

Töluverð óskhyggja var samofin draumum nazista um að leggja Sovétríkin undir sig. Þannig var gert eins lítið úr hernaðar-mætti Rússa og frekast var unnt. Þeir voru sagðir óskipulagðir, vopnabúnaður þeirra væri úreltur og heraflinn ótryggur stjórn-völdum. Og í þessum bjartsýnis-móral var mesta innrás sögunnar hafin og þar með styrjöld sem lauk með því að Berlín, höfuðborg nazistaríkisins, var lögð í rúst af herjum Sovétríkjanna !

 

Nú virðist svipað ferli í gangi. John McCain, Barack Obama, Joe Biden og fleiri Bandaríkjamenn hafa keppst við á undan-förnum árum að lýsa Rússlandi á ýmsa niðurlægjandi vegu, til dæmis sem gasstöð, dulbúinni sem þjóðríki, héraðsveldi eða miðlungsríki. Josep Borell sagði Rússland vera efnahagsdverg og Úrsúla von der Leyen lýsti því yfir um svipað leyti að Rússland væri í tætlum, og ýmsir aðrir vestrænir ráðamenn hafa tekið í sama streng. Óskhyggjan var þá sýnilega í algleymingi !

 

Allt miðar þetta tilbúna ástand að því sjálfsblekkingarstarfi þessara aðila að fullvissa sig um að Rússar séu illa í stakk búnir til að verjast ágangi um þessar mundir. Nota þurfi tækifærið ekki síðar en NÚNA. Þessi Natóhirð er að enduróma yfirlýsingar Hitlers & Co frá tímum innrásarinnar í Sovétríkin 1941. Allt á að hrynja hjá Rússum um leið og ráðist verður gegn þeim !

 

En styrjöldin í Úkraínu hefur ekki staðfest þessar væntingar og stórfelldar efnahagsþvinganir Vesturlanda hafa ekki skilað sér eins og vænst var, heldur skaðað þau sjálf meira en Rússland. Það sannast til dæmis með því að Rússland er nú mesta efnahagsveldi Evrópu. Þýskaland er það ekki lengur. Það er orkusvelt ríki eins og Efnahagsbandalagið allt. Þar virðist ýmislegt komið í tætlur !

 

Vesturlönd virðast í grunninn halda nokkuð líkt á málum og borgríkið Aþena gerði í upphafi Pelopseyjastríðsins. Það virðist stefnt að stríði og hvatt til stríðs, þó óvissan sé mikil og áhættan sömuleiðis. Aþena bar aldrei sitt barr eftir Pelopseyjastríðið og svo kann að fara að Vesturlönd geri það ekki heldur, eftir þá Evrópustyrjöld sem er verið að reyna að pumpa upp !

 

Stórveldistími ríkja eins og Bretlands og Frakklands og líklega Þýskalands líka, er einfaldlega liðinn. Stærri og öflugri þjóðríki og þjóðasamsteypur hafa þegar tekið við af þeim sem stærstu agnirnar í heimsgerinu. 60 til 80 milljón manna þjóðir eru smáar í þeim samanburði. Svo er það orðin mikil spurning hvar þjóðhollusta manna í fyrrnefndum ríkjum liggur nú á tímum ?

 

Hvernig Bandaríkin hinsvegar koma út úr þeim breytingum sem orðnar eru á heimsmálunum er vandséðara, en vandkvæði með forustumálin þar standa þeim mjög fyrir þrifum eins og flestir hljóta að sjá. Jafnframt er augljóst að áhrif þeirra hafa dvínað mjög á seinni árum og þau hafa ekki getað varið óbreytta stöðu sína á heimsvísu og munu líklega enn síður geta það hér eftir !

 

Þyngdarpunktur valdanna í heiminum hefur færst til austurs og Vesturlönd eiga í vök að verjast. Þau hafa líka of lengi haft of mikil völd og farið illa með þau. Þau eiga það fyllilega skilið að glata völdum sínum og áhrifum og þau örlög eru og verða á allan hátt verðskulduð. Vonandi fær mann-kynið betri forustu í komandi framtíð en þau hafa veitt, enda sannarlega ekki vanþörf á því eftir of langa og gjör-spillta valdatíð Vesturlanda !

Bandaríkin hafa vanrækt skyldur sínar við eigin þjóð !

 

 

Eins og mál eru að þróast í stjórnmálum í Bandaríkjunum, er orðið hugsanlegur möguleiki að fram komi leiðtogar þar sem vilja fjarlægja sig Nató. Menn sem telja að Bandaríkin séu orðin of samgróin pólitískum hrossakaupum og hernaðar-ham Vestur-Evrópuríkja, þar sem aldrei sé nokkur friður. Í sjálfu sér væri slíkt ekkert undarlegt því Bandaríkin hafa mokað fé í Vestur-Evrópu allt frá stríðslokum og það fé hefur alltaf verið tekið frá amerískum skattborgurum og ekki komið þeim til góða í neinu !

 

Donald Trump hefur komið inn á slík við-horf í ræðum og sagt „America First“, sem undirstrikar þá skoðun margra að þarfir bandamannanna í Evrópu hafi lengstum gengið fyrir heimaþörfum bandarísku þjóðarinnar. Uppsafnaðar ríkisskuldir Banda-ríkjanna sem eru nú um það bil 33 trilljónir dollara, eru líka að talsverðum hluta tengdar Evrópu og hinu kostnaðarsama Natóbatteríi !

 

Og ef við gefum okkur einhverja framvindu á þennan hátt, þá er erfitt að sjá fyrir sér mikinn kraft í Nató án Bandaríkjanna. Evrópuríkin færu fljótt að rífast um kostnaðinn og hvað hvert þeirra ætti að borga í því gleypidæmi !

 

Þá kæmi vafalaust upp gömul umræða um Evrópuherinn, en orkusvelt iðnríki Vestur-Evrópu hefðu líklega ekki mikla fjármuni aflögu í þá hluti. Evrópusambandið myndi að öllum líkindum fara að gliðna í sundur innanfrá, þegar það gæti ekki arðrænt neitt lengur út í frá !

 

Bandaríska þjóðin er áreiðanlega orðin langþreytt á Evrópu og stöðugu peninga-betli þeirra ríkja þar sem vilja fá að búa í skjóli hennar, en leggja lítið til þess dæmis sem kallað er sameiginlegar varnir. Bandaríkin þurfa að fara að hlynna að eigin garði, ef hann á ekki að fara allur í órækt eins og hluti hans er þegar orðinn !

 

Joe Biden og valdaklíkan í kringum hann stendur fyrir gamla sjónarmiðið að verja heimsvaldastefnuna, en menn eins og Donald Trump, vilja eftir því sem þeir segja, að hagsmunir heimaríkisins gangi fyrir. Enda sjá þeir líklega að það gengur stöðugt á afl og getu Bandaríkjanna til að halda því öllu uppi sem ríkin hafa tekið að sér í ógeðslegu hrokadæmi og stór-yfirgangi heimsvaldastefnunnar !

 

Bandaríkin gerðu Vestur-Evrópuríkin að fylgiríkjum sínum með hinni sögulegu ,,Marshallhjálp," alræmdasta mútudæmi heimssögunnar, sem batt þessar þjóðir með lánum og fyrirgreiðslu kyrfilega á klafa bandarískrar heimsvaldastefnu. Svo var í framhaldinu stofnað til Nató, undir sömu yfirráðum. Óttinn við Sovétríkin var leiðandi þáttur í því öllu. Hinir miklu sigrar Rauða hersins á Þjóðverjum og hin tröllauknu stríðsátök á Austur-vígstöðvunum í styrjöldinni, gerðu flestum ljóst að hinn stríðsherti her Sovétríkjanna var á þessum tíma öflugasti herafli veraldar !

 

Kommúnistahræðslan fór eldi um Vesturlönd og fleiri en Forrestal varnarmálaráðherra voru svo skelfdir að þeim var trúlega huga næst að henda sér út um glugga á næsta háhýsi. En sem betur fer kom ekki til beinnar styrjaldar milli Bandaríkjanna og Sovétríkjanna. Hefði það gerst, væri heimurinn ekki annað en ruslahaugur í dag og mannkynið að mestu dautt og það sem lifði mætti öfunda hina dauðu !

 

En nú er staðan sú, að Rússar eru ekki verjendur kommúnismans lengur, og Banda-ríkjamenn þurfa ekki þessvegna að verja heiminn fyrir kommum. Þeir ættu því að skammast sín til að taka bandarísku ríkisvélina úr heims-veldisgírnum og fara að koma málum sínum í lag heima fyrir !

 

Þar er nefnilega margt í ólestri. Blóðsugur erlendis frá hafa lengi sogið kraftinn úr Bandaríkjunum með fullum stuðningi verstu afla bandarískrar sögu. Heimaþjóðin hefur ekki notið hans og þessvegna - ekki hvað síst - er bandaríska ríkið á hausnum eins og sakir standa !

 

Vestur-Evrópuríkin og Nató hafa verið fremst í flokki blóðsuganna og ekkert ríki þolir slíkar afætur til lengdar. Þessvegna fór Donald Trump að tala um að Ameríka ætti að hafa forgang. Það var nefnilega orðið býsna langt síðan svo hafði verið. Auðlegð Ameríku fór í að halda Vestur-Evrópuríkjunum uppi og auk þess heilu hernaðarbandalagi með meira en ærnum tilkostnaði !

 

Bandaríkin höfðu kannski aldrei efni á slíku ráðslagi og hafa þó allt of lengi þjónað því, sér til efnahagslegrar ógæfu. Á þessu ári sem nú er hafið, er hugsanlega mögulegt, sem fyrr segir, að ný bandarísk forusta komi fram með nýjar áherslur og nýja sýn á stöðu mála, nýja stefnu sem gæti gert heiminn að mun betra mannkyns-heimili en hann virðist vera sem stendur

 

Það er þó kannski ekki beint líklegt, en það er möguleiki á því og veröldin þarf um þessar mundir sannarlega á hverjum vonarneista lífs og friðar að halda !